അബൂബക്കര്‍ മാസ്ററുടെ രക്തസാക്ഷ്യത്തിന് ഈ സപ്തംബര്‍ 20ന് ഇരുപതുവര്‍ഷം പൂര്‍ത്തിയാവുകയാണ്. രണ്ടു പതിറ്റാണ്ടിന്റെ ദീപ്തമായ ഓര്‍മകളില്‍ ഒരു വഴിവിളക്കു പോലെ ആ രക്തബിന്ദുക്കള്‍ ജനഹൃദയങ്ങളില്‍ ഒളിവിതറിനില്‍ക്കുന്നു. ഹൃദയങ്ങളില്‍നിന്നു ഹൃദയങ്ങളിലേക്കു പടരുന്ന ഊര്‍ജപ്രവാഹം പോലെ ആ ഓര്‍മകള്‍ തലമുറകളെ ആവേശഭരിതമാക്കുകയും മുന്നോട്ടു കുതിക്കാനുള്ള പ്രചോദനമായി വര്‍ത്തിക്കുകയും ചെയ്യുന്നു.
ഒരു സമര്‍പ്പിതമനസ്സിന്റെ നിശ്ചയദാര്‍ഢ്യത്തിനു ദൈവികമായ സമ്മതി ലഭിച്ചാല്‍ എന്തു സംഭവിക്കുമോ, അതായിരുന്നു അബൂബക്കര്‍ മാസ്റ്ററുടെ ജീവിതം. ജാടകളേതുമില്ലാതെ, കണ്ടുമുട്ടുന്നവരോടെല്ലാം ചിരിച്ചും അവരെയെല്ലാം ചിരിപ്പിച്ചും അതിരില്ലാത്ത നിഷ്കളങ്കതയോടെ ജനങ്ങള്‍ക്കിടയില്‍ ജീവിച്ചു. നല്ലതിനെയെല്ലാം പിന്തുണച്ചു. അരുതായ്മകളോടെല്ലാം ശിശുതുല്യമായ നിഷ്കപടതയോടെ കലഹിച്ചു. ദൈവം നല്‍കിയ ആരോഗ്യവും സമ്പത്തും തനിക്കു വേണ്ടി മാത്രമുള്ളതല്ലെന്നു വിശ്വസിച്ചതിനാല്‍ സാമൂഹിക ഉത്തരവാദിത്തങ്ങള്‍ ശങ്കിച്ചുനില്‍ക്കാതെ സ്വന്തം ചുമലിലേറ്റി. ശമ്പളം കിട്ടിയാല്‍ അതിലൊരു വിഹിതം ആര്‍ക്കൊക്കെയോ വീതംവച്ചു കൊടുക്കാന്‍ ധൃതിപ്പെടുമായിരുന്നു ശിഷ്യരുടെ ആ പ്രിയഗുരുനാഥന്‍. അപ്രകാരം രഹസ്യമായി സഹായം കിട്ടിയിരുന്നവരിലൊരാള്‍ ഘാതകരിലൊരാളുടെ ക്ഷയരോഗിയായ അച്ഛനായിരുന്നുവെന്നു പിന്നീടാണറിയുന്നത്. അവസരങ്ങള്‍ ഇനി അധികമില്ല എന്നു തിരിച്ചറിഞ്ഞതു പോലെ നന്മകളില്‍നിന്നു നന്മകളിലേക്ക് ആ യുവാവ് ഓടിക്കൊണ്േടയിരുന്നു. ഒരു വലിയ കുടുംബത്തിന്റെ ഭാഗമായതിനാല്‍, വലിയ വീടുകളില്‍നിന്ന് അദ്ദേഹത്തിനു വിവാഹാന്വേഷണങ്ങള്‍ വന്നു. അവയൊന്നും അദ്ദേഹത്തിനു സ്വീകാര്യമായില്ല. "പാവപ്പെട്ട ഒരു പെണ്‍കുട്ടിയെ വിവാഹം കഴിക്കണം. അങ്ങനെയായാല്‍ ഒരു കുടുംബം രക്ഷപ്പെടുമല്ലോ''- ഇതായിരുന്നു വാദം. കുടുംബത്തില്‍ പലര്‍ക്കും ആ നിലപാടു സ്വീകാര്യമായിരുന്നില്ല. ഒടുവില്‍ 27ാമത്തെ വയസ്സില്‍ രക്തസാക്ഷിത്വം വരിക്കുമ്പോള്‍ ബാധ്യതകളോ കടപ്പാടുകളോ ഒന്നും ബാക്കിവച്ചില്ല. ഒരു ദൈവനിശ്ചയം പോലെ സ്വതന്ത്രമായ, വിജയശ്രീലാളിതമായ യാത്ര!
വന്‍ ജനാവലിയുടെ അകമ്പടിയില്‍ ജനാസ വീട്ടിലെത്തിയപ്പോള്‍ വീടിനു പിറകില്‍നിന്നു കണ്ണീര്‍ വാര്‍ക്കുന്ന ലക്ഷ്മിയമ്മയെ പലരും കണ്ടിരുന്നു. രോഗിയായ ആ അമ്മയ്ക്കു സ്ഥിരമായി മരുന്നും പാലും വാങ്ങിക്കൊടുത്തിരുന്നത് അബൂബക്കര്‍ മാസ്ററായിരുന്നുവെന്ന് അപ്പോഴാണു ജനമറിയുന്നത്. നന്മനിറഞ്ഞ ഈ മനുഷ്യനെ സഹിക്കാന്‍ മാത്രമുള്ള ശേഷി പിശാചുക്കള്‍ക്കുണ്ടായിരുന്നില്ല. അതിനാലവര്‍ രാത്രിയുടെ ഇരുളുകളില്‍ പതിയിരുന്നു; ആ ചുടുരക്തത്തിനായി ദാഹിച്ചു. അതിനപ്പുറം മറ്റൊരു ന്യായീകരണവും അതിനു പറയാനില്ലായിരുന്നു. ഒരു സംഘര്‍ഷത്തിലും അബൂബക്കര്‍ മാസ്റര്‍ പങ്കുചേര്‍ന്നിട്ടില്ല. ഒരാളോടും വഴക്കിട്ടിരുന്നില്ല. ഒരാളെയും ഉപദ്രവിച്ചിരുന്നില്ല. പിശാചുക്കളുടെ ഈ ലോകത്തു നന്മനിറഞ്ഞ ഒരു ജീവിതംതന്നെ വലിയൊരു പ്രതിസന്ധിയും പ്രകോപനവുമാണെന്നു നാമറിയുന്നത് ഇത്തരം അനുഭവങ്ങളിലൂടെയാണ്.
ഇരുപതുകള്‍ പിന്നിടാത്ത ജീവിതത്തിന്റെ ഒരു വസന്തകാലം, മോഹങ്ങളും അഭിലാഷങ്ങളും സ്വപ്നങ്ങളും നിറഞ്ഞ ഒരു ജീവിതം ആദര്‍ശവഴിയില്‍ ബലിയായി നല്‍കുന്നതിനേക്കാള്‍ വലിയ മറ്റൊരു പ്രതിബദ്ധതയുണ്േടാ? നമ്മുടെ സഹോദരന്‍ ചെയ്തത് അതാണ്. ചരിത്രവഴിയില്‍ സ്വന്തം ഹൃദയരക്തത്തില്‍ ചാലിച്ചെഴുതിയ ആ ജീവിതസന്ദേശം ഒരിക്കലും മാഞ്ഞുപോകാത്ത വഴിയടയാളങ്ങളായി ഈ ദൌത്യത്തെ മുന്നോട്ടു നയിക്കുമെന്നതു സത്യം.
"അല്ലാഹുവിന്റെ മാര്‍ഗത്തില്‍ വധിക്കപ്പെട്ടവരെ മരിച്ചവരെന്നു നിങ്ങള്‍ കരുതരുത്. അവര്‍ തങ്ങളുടെ രക്ഷിതാവിങ്കല്‍ ജീവിച്ചിരിക്കുന്നവരാണ്, അല്ലാഹു നല്‍കിയ ഔദാര്യങ്ങളില്‍ സന്തുഷ്ടരായി...'' (ഖുര്‍ആന്‍).
2 അഭിപ്രായങ്ങൾ:
tap water for bottled water They were sure [url=http://www.louboutinf.com]Christian Louboutin Outlet[/url]underlying feeling that something is wrong [url=http://www.louboutinf.com]Louboutin Outlet[/url]the modeling visa at the US Embassy In [url=http://www.louboutinf.com]Louboutin Outlet[/url]many ways this is the most impressive http://www.louboutinf.com[/url] distribution may be presented in many http://www.louboutinf.com[/url] another person they must for the most part
sponsor H-1B holders in order to save money Americans do A study by Center for Labor [url=http://www.onlyyouhot.com]クロエ[/url]401k retirement plan is a serious matter It time Purchase bifen granules online and do [url=http://www.onlyyouhot.com]クロエ激安[/url]skillfully to win a lot more than others questions regarding these data In [url=http://www.onlyyouhot.com]クロエ専門店[/url]the Binomial The normal distribution gives of 80000 x 006 = 4800 is $ 6400 If the money http://www.onlyyouhot.com[/url] test K-Mart bottled water the discount in the US and the employer modeling agency
ഒരു അഭിപ്രായം പോസ്റ്റ് ചെയ്യൂ